ആദ്യ അന്താരാഷ്ട്ര സർവീസുമായി ആകാശ എയർ ദോഹയിൽ
ആദ്യ അന്താരാഷ്ട്ര സർവീസ് നടത്തി ഇന്ത്യൻ എയർലൈനായ ആകാശ എയർ. മുംബൈയിൽ നിന്ന് ദോഹയിലേക്കായിരുന്നു ആദ്യ സർവീസ്. ഉദ്ഘാടന ഫ്ലൈറ്റിന്റെ ചിത്രം പങ്കുവെച്ചുകൊണ്ട് എയർലൈനിന് ഹമദ് ഇന്റർനാഷണൽ എയർപോർട്ട് സ്വാഗതമരുളി. എയർപോർട്ടിലേക്ക് എത്തുന്ന 47ആം വിമാനമാണിത്. ആഴ്ചയിൽ നാല് സർവീസുകളാണ് ആകാശ എയർ നടത്തുക.
ബുധൻ, വ്യാഴം, ശനി, ഞായർ ദിവസങ്ങളിലായാണ് എയർലൈൻ നോൺ സ്റ്റോപ്പ് സർവീസുകൾ നടത്തുന്നത്. QP71 ദോഹ – മുംബൈ വിമാനം, ഖത്തറിൽ നിന്ന് രാത്രി 8.40നാണ് പുറപ്പെടുക. ഇന്ത്യയിൽ പുലർച്ചെ 2.45ന് എത്തിച്ചേരും. അതേസമയം, മുംബൈ – ദോഹ QP70 വിമാനം ഇന്ത്യൻ സമയം 5.45ന് മുംബൈയിൽ നിന്ന് പുറപ്പെട്ട് ദോഹയിൽ രാത്രി 7.40നാണ് എത്തിച്ചേരുക. നിലവിൽ ഇന്ത്യയിലെ ഇരുപതോളം നഗരങ്ങളിലേക്ക് ആകാശ എയർ സർവീസ് നടത്തുന്നുണ്ട്. താമസിയാതെ കുവൈറ്റ്, റിയാദ്, ജിദ്ദ എന്നിവിടങ്ങളിലേക്ക് ആകാശ സർവീസ് ആരംഭിക്കും. ഖത്തറിലെ അനുദിന വാർത്തകളും വിശേഷങ്ങളും തൽസമയം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/E9dLCQprdHP00u4tWPbARq
Comments (0)