ഈദ് ആഘോഷിക്കാൻ കത്താറയിലെത്തിയത് ആയിരങ്ങൾ
ഈദുൽ ഫിത്തറിന്റെ ആദ്യ ദിനമായ ഇന്നലെ കത്താറയിലെ ആഘോഷങ്ങളിൽ പങ്കുചേരാനായി എത്തിയത് ആയിരങ്ങൾ. വിവിധ പ്രായത്തിലുള്ള ആയിരകണക്കിനാളുകളാണ് സാംസ്കാരിക ഗ്രാമമായ കത്താറയിൽ എത്തിച്ചേർന്നത്. കത്താറയിലെ വിവിധ വേദികളിൽ നടന്ന വിവിധ കലാശിൽപശാലകൾക്ക് പുറമെ കുട്ടികൾക്കായി ഈദ് സമ്മാന വിതരണവും നടന്നു. അറബ് പൈതൃകത്തിനും പ്രത്യേകിച്ച് ഖത്തറിനും പ്രത്യേക ഊന്നൽ നൽകിക്കൊണ്ടുള്ള 50-ലധികം വ്യത്യസ്ത സാംസ്കാരിക, കല, വിനോദ പരിപാടികൾ, നാടക പ്രദർശനങ്ങൾ, കലാപ്രകടനങ്ങൾ എന്നിവയും ഈ ദിവസങ്ങളിൽ നടക്കുന്നുണ്ട്.
Comments (0)