യുഎഇ: പ്രളയം നാശം വിതച്ച പ്രദേശങ്ങള്‍ സാധാരണ നിലയിലാകുന്നത് വരെ പാര്‍ക്കിങ് പിഴ ഒഴിവാക്കി എമിറേറ്റ്
പ്രളയം നാശം വിതച്ച പ്രദേശങ്ങള്‍ സാധാരണ നിലയിലാകുന്നത് വരെ പാര്‍ക്കിങ് പിഴ ഒഴിവാക്കി ഷാര്‍ജ. അതിരൂക്ഷമായ കാലാവസ്ഥ ബാധിച്ച ഷാര്‍ജയിലെ ചില പ്രദേശങ്ങള്‍ക്ക് അവ സാധാരണ നിലയിലാകുന്നതുവരെ നോ പാര്‍ക്കിംഗ് ഫൈന്‍ നല്‍കില്ലെന്ന് അധികൃതര്‍ അറിയിച്ചു. നിവാസികള്‍ക്ക് ആശ്വാസം പകരാന്‍ ഷാര്‍ജ സിറ്റി മുനിസിപ്പാലിറ്റിയാണ് പാര്‍ക്കിംഗ് പിഴകള്‍ ഒഴിവാക്കാനുള്ള തീരുമാനം എടുത്തത്. യുഎഇയിലെ വാർത്തകളും വിവരങ്ങളു തത്സമയം അറിയുവാൻ വാട്ട്‌സ്ആപ്പ് ഗ്രൂപ്പൽ അംഗമാകുക https://chat.whatsapp.com/IFwZd0YzoSVCnmIGPZS4b7
റെക്കോര്‍ഡ് മഴ പെയ്തപ്പോള്‍ പാര്‍ക്കിംഗ് ലംഘനങ്ങളൊന്നും ഉണ്ടായിട്ടില്ലെന്ന് ഷാര്‍ജ സിറ്റി മുനിസിപ്പാലിറ്റിയും സ്ഥിരീകരിച്ചു. പ്രളയ സമയത്ത് ഉണ്ടായ ട്രാഫിക് നിയമലംഘനങ്ങള്‍ക്കുള്ള എല്ലാ പിഴകളും റദ്ദാക്കിയതായി ഷാര്‍ജ പോലീസ് പ്രഖ്യാപിച്ച് ഏതാനും ദിവസങ്ങള്‍ക്ക് ശേഷമാണ് പാര്‍ക്കിംഗ് പിഴയില്‍ ഇളവ് വരുന്നത്. 75 വര്‍ഷത്തിനിടയിലെ ഏറ്റവും വലിയ മഴയാണ് ഏപ്രില്‍ 16-ന് യുഎഇയെ ബാധിച്ചത്.
ഇളവ് നല്‍കുന്ന ലംഘനങ്ങളില്‍ ഇവ ഉള്‍പ്പെടുന്നു:
പാര്‍ക്കിംഗ് ഫീസ് അടയ്ക്കാത്തത്
ഒന്നിലധികം പാര്‍ക്കിംഗ് സ്ലോട്ടുകള്‍ റിസര്‍വ് ചെയ്യുന്നത്
റിസര്‍വ് ചെയ്ത സ്ഥലങ്ങളില്‍ പാര്‍ക്കിംഗ്
തീവ്രമായ കാലാവസ്ഥ ബാധിത പ്രദേശങ്ങളില്‍ പൂര്‍ണ്ണമായി സാധാരണ നിലയിലാകുന്നതുവരെ പൊതു പാര്‍ക്കിംഗ് ലംഘനങ്ങള്‍ നല്‍കില്ലെന്നും മുനിസിപ്പാലിറ്റി ഊന്നിപ്പറഞ്ഞു.
Comments (0)